مولّد الأكواد يعرف ثيم سيليا، بس النتيجة تصير أفضل بكثير إذا شرحت له طلبك زي ما تشرحه لمبرمج شاطر: وش تبغى، وين بالضبط، وعلى أي جهاز. هذي الصفحة تعطيك أمثلة جاهزة تقدر تمشي عليها.
أغلب الطلبات اللي ما تشتغل، سببها إنها تطلب شي ما يتحكم فيه كود الثيم أصلاً. راعِ هالنقاط توفّر وقتك ورصيدك.
عشان تطلع معك أفضل نتيجة، خلك واضح في طلبك وراعِ النقاط التالية:
لا تطلب تعديلات تخص اضافة عروض او بيانات او خيارات لصفحة المنتج، لأن هذي الأشياء تتحكم فيها من لوحة تحكم سلة، مو عن طريق الأكواد.
تجنب طلبات مثل «أعد تصميم صفحة المنتج» أو «غيّر ترتيب الصفحة بالكامل»، لأن مولد الأكواد مخصص للتعديلات، مو لإعادة تصميم المتجر.
تجنب الطلبات مثل حسن التصميم او اجعله أجمل - مولد الأكواد ما يقترح تصاميم من نفسه لكنه ينفذ طلبك ويعطيك كود متوافق مع ثيم سيليا ومنصة سلة.
الأكواد مخصصة لإضافة أو تعديل عناصر معينة، وليست لإعادة بناء هيكل المتجر أو تغيير طريقة عمله.
تأكد إن طلبك ما يتعارض مع إعدادات الثيم. مثل توحيد ارتفاع بطاقات المنتجات أو إزالة الفراغات بينها، لأن هذي الخيارات موجودة أساسًا في إعدادات ثيم سيليا.
هدف مولد الأكواد إنه يوفر عليك الوقت، ويساعدك تحصل على أكواد جاهزة لتعديلاتك اليومية بدون الحاجة لمبرمج في كل مرة.
الطلب القصير مرة غالباً يطلع كود عام. الطلب الواضح يطلع كود أقرب لمتجرك من أول محاولة. قبل ترسل، تأكد إن طلبك يجاوب على هالأربع نقاط:
وش العنصر؟ زر السلة، السعر، البنر، بطاقة المنتج، شريط التنبيه.
وين مكانه؟ الرئيسية، صفحة المنتج، الجوال فقط، الديسكتوب فقط.
وش تبغى يصير؟ لون، حجم، مسافة، إخفاء، إضافة نص، حركة بسيطة.
وش القيمة؟ كود اللون، النص المطلوب، المقاس، أو مثال قريب من اللي في بالك.
خلّ توقعك صح من البداية: مولّد الأكواد يعرف ثيم سيليا سطر بسطر، بس ما عنده عيون. ما يشوف متجرك، وما يقدر يحكم إذا الشكل "حلو" أو "مرتب"، وما يكتشف مشاكل الجوال أو التداخل. هو مبرمج ينفّذ تعديل محدّد، مو مصمم يعطيك ذوق. إذا طلبت تعديل جمالي عام، بيرد عليك يطلب تفاصيل محددة بدل ما يخمّن كود يفسد الشكل.
عدّل زر السلة.
في صفحة المنتج، خلّي زر الإضافة للسلة بلون زيتي #3F5F46، وخلي النص أبيض، والحواف 10px. أبغاه يتغير في صفحة المنتج فقط.
حدد الصفحة، العنصر، اللون، النص، والحواف. الطلب واضح وما يلمس أزرار ثانية بالغلط.
المتجر مو مرتب في الجوال.
في الجوال فقط، قلّل المسافة بين بطاقات المنتجات في الصفحة الرئيسية، وخلي اسم المنتج يظهر بسطرين كحد أقصى، بدون ما يتغير شكل الديسكتوب.
قال إن المشكلة في الجوال فقط، وحدد البطاقات والنتيجة المطلوبة.
حط ملاحظة للعميل.
في صفحة المنتج، أضف عبارة صغيرة تحت السعر: الشحن خلال 24 ساعة داخل الرياض. خليها بلون ذهبي هادي وحجمها أصغر من السعر.
النص جاهز، المكان واضح، والأسلوب محدد بدون كلام عام.
احذف الأشياء اللي ما أحتاجها.
في صفحة المنتج، أخفِ بلوك مشاركة المنتج فقط. لا تخفي التقييمات ولا الوصف ولا زر السلة.
الإخفاء يحتاج دقة. قول وش ينحذف ووش يبقى.
إذا العنصر موجود قدامك في المعاينة، لا تتعب نفسك بوصفه. افتح المعاينة، اختر العنصر، وبعدها اكتب وش تبغى يصير له. كذا مولّد الأكواد ياخذ مكان العنصر من ثيم سيليا بدل ما يخمن.
خذ العنصر المحدد، وخلّيه أعرض في الجوال، بلون زيتي، والنص أبيض. لا تغيّر بقية أزرار المتجر.
لا تكتب: "عدّل صفحة المنتج كاملة". هذا طلب كبير وبيطلع عام. خله طلبات صغيرة:
كل طلب صغير أسهل في التجربة، وإذا احتجت تعديل لاحقاً تعرف أي كود تراجع.
بعض الطلبات تحتاج كود قصير، وبعضها يحتاج أكثر. كل باقة لها سقف أسطر للطلب الواحد، عشان كذا تقسيم الطلب مهم خصوصاً لو التعديل فيه أكثر من فكرة.
| الباقة | السعر/شهر | عدد الطلبات | سقف كل طلب |
|---|---|---|---|
| ستارت | مجاناً | 3 | 50 سطر |
| بلس | 89 | 30 | 250 سطر |
| برو | 199 | 80 | 500 سطر |
| ماكس | 399 | 200 | 1000 سطر |
السقف للطلب الواحد فقط. تقدر تقسّم تخصيصاتك على عدة طلبات وتستفيد من رصيد باقتك أو من الإضافات.
هذا يعني أن الطلب كبير على سقف الباقة الحالية. جرّب أحد هالحلين:
جاهز تبدأ؟
افتح مولّد الأكواد